西貢清新地有機悠閒莊園

July 28, 2016

剛剛過左嘅星期日帶左囡囡去親親大自然,地點係「西貢清新地有機悠閒莊園」。除左可以令阿囡認識有機耕種之外,仲可以同囡囡玩親子廚房。
 

「清新地有機悠閒莊園」其實唔難去,只要係科大門口迴旋處小巴站,沿山路樓梯直落到尾就到。只係如果小朋友太細,就要預時間俾佢休息,大部份路段都有大樹遮蔭,唔會太曬。

 

 

 

但記得帶多D蚊貼,因沿路及有機農莊有好多惡蚊。但唔建議用蚊怕水,因為第一,沿路行山會流好多汗,會沖走蚊怕水,要不停補噴 ; 第二,喺有機農莊內係唔可以噴蚊怕水,因為會影響有機環境。

 

依個有機農莊安排很好,每個時段都會有人數限制,唔會覺得周圍被逼爆,所以我地可以同阿囡享受一個寧靜嘅大自然。係有機農莊內,有一排小木屋,用黎攪工作坊,工作坊包括有有機耕種工房、趣味盆裁工房、手工藝工房和大自然廚房,其他大部份喺農田、大草地同遊樂設施。

 

 

 

 

我地去嗰日有以下兩個 Package 選擇。因為囡囡太細個,所以都係揀咗個容易D嘅活動俾佢: “導賞+鬆餅High Tea”即係自己整鬆餅! (成個活動大約1個小時,當中20分鐘係導賞時間)

係整鬆餅前,職員會先帶我哋去洗手,排隊等洗手時,見到「環保回收木箱」,當然即刻教囡囡環保回收的小知識。其實這個農莊成立嘅其中一個理念就係想小朋友由細個開始就培養愛護環境和環保嘅意識,所以呢個木製的回收箱別具意義呢。

之後入左一個有冷氣嘅小木屋去做鬆餅。

職員分派一個大膠箱,裡面有發粉、牛油、糖、牛奶同提子乾!

我哋一組可以做到四個鬆餅,可以做到唔同形狀,有2個鬆餅由囡囡設計,另外2個就由我同Daddy整啦。阿囡見到D發粉好開心,完全唔驚污穢,仲攪到成面都係發粉,哈哈。佢係屋企都好鐘意玩玩具煮飯仔,但整野食就係第一次。

完成後,放入焗爐,等熱辣辣鬆餅焗好。阿囡望著個焗爐既興奮又期待! 期間,職員帶左我哋去農田嗰邊進行導賞先。成個導賞團,主要係會介紹下D花花草草同唔同嘅植物,又會介紹下唔同的香草,例如香茅、檸檬草等等。但囡囡完全心不在焉,只係不停問我D鬆餅幾時焗好,哈哈。

 

 

完左導賞,但係D鬆餅重未焗好,我地同囡囡就去左羊舍餵羊羊。買了一份菜葉 ($10一份),俾囡囡餵羊羊。佢餵得好興奮,D羊好得意,餵佢地果陣時會乖乖地企係度。P.S 絕對係同囡囡影相嘅好時機。

 

當然,一定要俾囡囡去遊樂設施嗰邊玩一陣放電啦,可能大部份都係親子遊,農莊整左好多小朋友設施俾佢哋,放電一流。

 

 

熱辣辣鬆餅焗好啦。我哋返去休息木屋,抖一抖之餘,試下自己同囡囡手勢。好好食呀! 鬆餅都幾易整~~仲有「有機香茅熱茶」送餅,哈哈。

最後一個活動就喺沿路行番石級上山離開。>.<

足足行咗接近約35分鐘(中間都抖左一陣,實在太熱了)

 

其實,清新地仲有一個方法去, 大家可以喺西貢白沙灣碼頭上船,但要預先同負責人講, 佢哋會幫你安排!


整體黎講,呢度喺十分推介既親子放電活動。

 

P.S 呢個莊園嘅資料:

星期二至日開放9:00 a.m – 5:00 p.m,佢係可以 Walk-in 嘅,但都係建議打個電話 Book 左先。

 

 

 

 

 

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司