海洋公園夏水禮2016

July 28, 2016

今期我講下海洋公園。有咩好講? 當然係今期hit 嘅海綿寶寶夏水派對。我地一路都係海洋公園智紛會員,所以前排收到海洋公園邀請信,可以免費參加海綿寶寶夏水派對。有著數當然即刻報名啦,我囡囡最鐘意海綿寶寶。


作為海洋公園智紛會員,最好的地方就係唔使同其他人逼。個海綿寶寶夏水派對下午會開放俾所有人,而6點後就只開放俾海洋公園智紛會員,人又少D,阿囡都玩得盡興D。

 

當我地入去海洋公園時,因未夠鐘去玩夏水派對,所以就同囡囡先到其他景點。其中一個地方好適合一家大細,就是「澳洲歷奇」。係嗰度我地可以近距離睇到笑翠鳥、袋鼠同樹熊。之前其實我地都去過,但每次去到,D樹熊都係瞓緊覺。但今次我地有運,竟然有一隻起左身,重擺哂 Post 俾我地影相,好攪笑,佢當自己係明星吧!

 

係「澳洲歷奇」入面,重有一種動物叫笑翠鳥,佢好得意,肥嘟嘟,佢地D叫聲好似我地D笑聲,一隻叫,其他就會追住一齊叫。

 

但大家要留意係「澳洲歷奇」館一定要保持安靜,唔係會影響到佢地架。另外,要留意排隊入去除左熱,仲會有蚊,雖然比一般公園少好多, 但我同囡囡都不幸地被針了幾下,所以最好都係帶備蚊貼啦!

 

個人除左去「澳洲歷奇」館,就只係玩左「砵砵火車頭」,因為真係太多人,又要排好耐隊,唔想阿囡係到排隊曝曬。呢D火車最適合我呢D唔玩過山車嘅人,哈哈!

 

 

我地一家人玩左幾個設施,唔經唔覺已經到6點,行返去夏水派對。成個派對入面,我地一家玩得最開心係「泡泡狂熱」同「水戰大激鬥」。「泡泡狂熱」即係係個泡泡池入面玩泡泡,我個囡係咁整D泡係我同Daddy 個頭上面。最終結果當然大家成身都係泡啦。海洋公園都幾貼心,每人都會派一個護眼罩,防止你整到對眼,等你玩得開心又放心。

 

另外一個必玩就係「水戰大激鬥」,呢個遊戲上年都有,係大熱遊戲之一。佢玩法係分成左右兩批人射水蛋。當上左水彈後,你要準個窿發射出去,如果對得唔準,咁就會自爆,自己整濕自己。阿囡最興奮唔係射個水蛋出去,而係我地一家中水蛋個一刻囉。

 

 

 

其實,另外2個設施「珍寶肥皂泡工場」同「激光迷陣」唔玩都無問題,「珍寶肥皂泡工場」有D悶,至於而「激光迷陣」雖然無限年齡,但我怕D激光射到阿囡對眼唔係太好,所以無玩。

 

提一提,海洋公園安排了LOCKER租借,但係好貴,最低消費2小時(每小時30元或40元)。其實個場都有D臨時放袋的櫃,係免費嘅,只係無專人睇住,所以建議可以將貴重物品放入防水袋跟身,咁就可以慳返D錢啦。

 

 

 

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司