新加坡親子遊全攻略

July 8, 2016

以前未有小朋友時,我同老公通常都係淡季去旅行,一來平D,二來無咁熱。但自從我個小朋友入左小學後,我地一家人去旅行D時間就只可以揀學校暑假嘅日子。但係又要就小朋友暑期班,所以最多只可以去4-5日嘅短 trip。

 

 

 

熱選緊係去馬來西亞嘅Legoland再加新加坡。先介紹一下Legoland吧! Legoland園內分左水上樂園、景點區同酒店。水上樂園超好玩,有成20條水上滑梯,D小朋友唔駛排哂長龍,鐘意玩邊條都得,仲有無數 Lego浮係水入面,任你自己砌 “浮牀”。剩係水上樂園都可以玩足一日。

 

 

 

另一邊嘅景點區遊樂設施真係包羅萬有,D ride 大部份都係用Lego 砌成,勁Cute!

 

 

 

 

 

 

 

 

 

 

 

千祈唔可以錯過嘅係用3年時間由3千萬塊Lego 砌成唔同亞洲知名地區嘅互動 Miniland。

 

如果萬一遇到落雨,絕對唔駛擔心,因為剩係酒店入面都有全天候嘅遊玩區同不同嘅活動。幫你塞爆小朋友每分每秒。

 

至於另一個地方就係新加坡。必到景點一定係新加坡動物園,特別之處係佢分日間和夜間,各有不同感覺。個人認為日間較適合小朋友,除咗小朋友可以周圍跑來跑去,近距離同動物影下相之外,仲可以去埋隔離嘅River Safari,全亞洲第一及唯一一個以河流做主題嘅野生動物園,觀賞超過6000種動物。而夜間動物園主要係坐車遊園,黑麻麻,無開燈,唔係好睇到動物做緊咩。

 

溫馨提示: 去動物園一定要帶多D蚊貼,因為個度多樹木同草叢,我地去個時都勁多蚊。於是,我地貼左好多蚊貼係個囡件衫同褲,佢完全冇俾野咬! 但因為帶唔夠蚊貼,結果可憐的Daddy冇得用,成為蚊子午餐。

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司