放電好地方 - 佐敦谷公園

July 8, 2016

 

平時一家大細行街,離離去去都係商場,行都行到悶,所以依家如果天氣好,基本上都一定會去吸收一下大自然的氣息。近市區嘅公園就最適合一家大細。

 

其中一個我地成日去嘅就係佐敦谷公園。佐敦谷公園係觀塘新清水灣道 71 號,係觀塘區最大的公園。去嗰度非常方便,只要係彩虹,牛池灣街市( 彩虹站B 出口) 對出搭10-15 分鐘巴士就到。

佐敦谷公園最正嘅地方就係有一大片草原,通常我地去都一定係帶埋帳幕和食物係嗰度紮營野餐,可以係嗰度玩足一日。另外,就係因為有咁大片草地,我個囡可以盡情放電。

 

嗰度仲有兩個兒童遊樂場,每次去,我個囡都玩到癲咗。佢仲好快同其他小朋友打成一片,識到好多朋友仔添。當我個囡同其他小朋友玩緊期間,我就同其他媽咪交流下講下D揍囡心得,而Daddy就同其他Daddy 交流下D波經,所以我地都好鍾意嗰度嘅兒童遊樂場。

另外,嗰度有個係香港較少有既迷宮花園,我老公最鍾意同個囡係個度玩捉迷藏。

嗰度仲有一條緩跑徑,有時我老公會同埋個囡一齊跑,可以做下運動,幾唔錯。

佐敦谷公園最大嘅亮點係佢個遙控模型賽車場,我老公都超鍾意。佢係屋企D模型車仲多過我D手袋。至於我個囡,你唔好以為佢係女仔就唔鍾意玩遙控車。佢有哂佢阿爸D基因,鍾意玩遙控車多過玩公仔。

 

但要注意,近日雨水比較多,嗰度又多花花草草,我地去個時都有蚊,所以最好帶備驅蚊貼。

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司