夏天,為大地帶來........蚊 (行山篇)

June 14, 2016

平時返工已經9成時間係室內,所以一到周未都會帶我個小朋友去郊外,等全家人多D接觸一下大自然。而其中一個目的就係希望可以野生捕獲發哥啦,我係發哥的粉絲!

 

上個星期我、老公同阿囡三個人一齊去左城門水塘,因為阿囡平時都已經好惹"蚊",更何況去郊外一定多蚊啦,所以我叫左我老公前一日去買定驅蚊用品。

 

我地由荃灣地鐵站出發,再轉82號小巴到城門水塘菠蘿壩總站,以菠蘿壩總站為起點,去到菠蘿壩第一時間就叫我老公攞支蚊怕水出黎,一攞出黎真係想片死佢.....佢買左支有"避蚊胺 DEET" 成份的。佢成日都勁失暈,又唔睇清楚D成份。可能你會覺得我反應過敏,又或者唔知咩野係避蚊胺,簡單 D 黎講佢可能會對兒童幼嫩的肌膚引致過敏,係絕對唔適合小朋友用的,咁我地個囡點用呢 ?

 

 

最終點算 ? 好彩俾我瞄到隔離D行山人士用緊D 驅蚊貼,所以即刻去左問佢地借左兩塊俾阿囡,如果唔係就比蚊針到變豬蹄,咁先解決左個問題。

講返行山的收獲.....影左好多靚相,同大家分享下:

 

 

沿途天氣都唔錯,係就係熱D,但都OK,唔太辛苦,風景都靚。沿途見到唔少馬騮,阿囡完全唔驚佢地,重嚇返佢地轉頭。

 

結論係: 阿囡玩到傻左,我地行到癲左,發哥消失左..........究竟係邊到先可以見到發哥?

 

 

 

 

 

 

 

 

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司