同父母去旅行的5大潛規則

November 5, 2019

習慣一年出走幾次嘅香港人當然明白旅伴嘅重要性,神隊友能夠幫旅程加分,當同父母出遊又點化身成為「神導遊」?近年愈來愈多人想帶父母出國齊齊鬆一鬆,但現實中若然唔想跟團,要獨力編排行程都絕不是易事,只要一不小心,就可能弄巧反拙。 以下有 5 大同父母出國的潛規則,唔想中伏就一定要留意!

 

1. 計劃行程及規劃所有路線

 

同父母出遊當然要清楚父母的體質同習慣,再選擇最理想的目的地。計劃當中亦要考慮到交通安排,如果選擇自駕遊,需要留意車身的高低,因為車身太低的話父母或較難上落。而選擇搭公共交通工具,每個景點之間的路線都要預先安排好,避免不必要的「走錯路」。以歷史較悠久的東京地鐵為例,並唔係每個車站都設有電梯,加上車站面積大,轉車時就要睇定點行最簡易,盡量唔好考父母嘅腳骨力同關節。

 

 

2. 期望管理可有效減低投訴

 

所有行程先同父母商量好,交代景點、酒店類型、天氣等等的細節。旅程當中自己亦十分需要睇眉頭眼額同識得「執生」,有機會需要因應父母的臨時要求或狀態作出改動,例如父母已經開始攰就不要勉強他們同自己一齊排超長隊等食人氣餐廳,可以轉為附近較少人的地道美食或尋找一下酒店附近的餐廳。

 

 

3. 注意飲食安排,避免水土不服

 

作為一個貼心的「導遊」,當然要照顧周到!去旅行水土不服就會極度掃興,但旅程當中唔多唔少都會試當地特式食物,如果知道父母有任何特別身體狀況,例如對奶類較敏感,就一定要多加注意。另外可以帶備平安藥,例如藥油及頸肩舒等等,但一定要查清楚有關藥物可否入境,那麼去旅行時就無後顧之憂!

 

 

4. ​一齊打打卡

 

難得與父母同遊,就把握機會製造話題吧。例如旅程中盡量多影相、與他們研究什麼角度拍照最好看或是幫他們「P」圖掃走倦容,令看起來更精神飽滿!影完後於社交媒體上齊齊打卡或於各大長輩溝通群組曬靚相、曬美食。一來可以令父母學習多樣東西,二來可以令到關係更親近。

 

 

5. ​做好情緒管理 不要鬧交收場

 

照以上  4點就知道與父母去旅行重點不是為了自己,要出發前確保行程合父母心意,亦要期望自己處理好旅行中的任何突發事情,即使旅程中擰晒頭,都必須要好好包容,永遠記得這趟旅程的目的。家庭旅遊係一門學問,當父母年紀開始老邁,不如遷就多一點、珍惜相處嘅時間。

 

 

 

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司