回到那些年屋邨打羽毛球的日子

March 29, 2017

星期日放假,小編終於的起心肝執吓屋。整理雜物箱果陣,搵返細個時一對羽毛球拍。依對羽毛球拍唔係咩名牌碳纖靚拍,而係細個係屋邨體育用品店買嘅平民羽毛拍,係小二果年爸爸送畀小編。

 

小編細個時唔係有好多娛樂,打遊戲機更加係奢侈。小編最鍾意等爸爸放工食完飯,拉佢去屋邨樓下塊空地打羽毛球。

 

當時邊有羽毛球網。開波前要先同爸爸夾手夾腳,將一條條橡筋縛埋,勾係左右兩邊欄杆再加兩個水樽放兩邊當係界。資源愈少,反而愈玩得開心,淨係自製個橡筋繩網巳經好有滿足感。

初初打羽毛球,爸爸就企係我後面捉住我隻手,由揸拍手勢、開波同接波的企位、姿勢逐樣逐樣不厭其煩咁教我。當小編成功開到第一個波,聽到爸爸一句,「叻仔,再嚟!」嘅稱讚,已經開心到跳起。

 

以前唔興汽水販賣機,每次打完波,爸爸會帶小編去士多買汽水飲。兩個人大汗疊細汗衝入士多,打開銀色汽水雪櫃,第一時間唔係攞汽水,而係四隻手一齊插入滿滿嘅冰水裏面,即時暑氣全消!再拎多支玻璃樽汽水,一口氣飲一大啖,簡直透心涼!

 

當時最享受嘅就係一邊飲汽水,一邊聽爸爸講佢中學時嘅百厭事、同媽媽一齊練波嘅SWEET回憶。雖然知道爸爸已經打波打到好攰,但任性嘅我仲要拉住佢,傾到空地燈都熄埋,仍然唔捨得返屋企。媽媽就會趁我瞓著,細細聲哦爸爸:「返工咁攰又腰酸背痛,就唔好同個仔玩到咁夜啦!」而爸爸總係會以慈和嘅笑聲回應。

 

到大個出到嚟做嘢,搬埋出嚟住,唔好話打波,連返屋企飲湯、陪爸爸食飯都愈來愈少。每次爸爸WhatsApp約飲茶,小編總係答「有啲忙,下星期先?」就算有時間,每次返爸爸到食飯,都好似例行公事,來去匆匆。爸爸想問吓我手機功能:「依個App點下載?」、「點解手機啲相唔見咗?」…… 小編總係答「等陣先啦…」。其實,佢只不過係想搵機會同我傾吓計……但係我就一啲耐性都冇…。

望住塊羽毛球拍,真係好懷念以前拖住爸爸走去屋企樓下空地霸位打羽毛球嘅日子。小編決定今晚帶埋一對羽毛球拍,返屋企同爸爸媽媽食飯,食完飯落街搓返幾球!呀!仲要記得帶定兩塊膠布,等爸爸媽媽打完波,一邊貼住涼浸浸,一邊慢慢講「波經」!

 

如果因為運動造成肌肉疲勞、扭傷、拉傷,大家要識揀虎標鎮痛藥布(清涼),記得係清涼藥布呀!冰涼觸感加上獨有草本成份,有助快速消腫及鎮痛,水溶性配方滲透快,有效紓緩肌肉疲勞及急性扭傷!

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司