冰島極光下的暖暖小確幸

March 10, 2017

上年某日,小編Lunch Time無嘢做睇航空公司網站,咁啱見到飛冰島平機票,仲要係女朋友生日月份出發,當然二話不說先搶機票,為女朋友計劃一個「追光之旅」當驚喜禮物。

 

要成功影極光,器材一定要做足準備,先講講小編影相裝備Checklist。單反相機一定要有,因為影極光需要曝光20秒,所以三腳架一定唔少得,唔想影到鬆郁朦最好帶埋影相遙控,以免按快門時震到相機。當然,一定唔少得一枝14-24mm F2.8大光圈變焦鏡。最重要,緊記要帶多幾粒電池,因為冰島氣溫可跌至負數,天氣愈凍電量流失得愈快,到時見到極光但無電影相,喊都無謂。

 

出發前有朋友一早同小編講:「坐車都要大半日,所以好易坐到腰骨梗晒,再加上企幾個鐘等影極光,一定成身散晒!」小編仲笑朋友平日少做運動,自己行慣山唔怕,點知真係出事。

 

如果你問我整個行程有咩形容詞,小編會答「痛」、「攰」、「凍」。第一日由機場搭車去酒店,已經用咗大半日,本身坐左十幾個鐘頭機腰已經好痛,再加上車座位比飛機更窄,腰骨痛上更痛!不過我無話畀女朋友知,費事掃慶。

 第二日行街日。我哋去咗市中心Reykjavík 行小店,買啲手信,幾盒冰島出產嘅朱古力同黑色火山鹽,兩小樽火山鹽大約ISK1490,即大約HKD106。不過行咗兩、三個鐘小編已經頂唔順,因為太凍,加上翌日要參加北極光tour,所以我哋好早返酒店休息。

 

 

 

 

 

 

 

 

 

 

第三日冰島氣溫跌到-9度,依日出發去睇《維京海盜船》,睇完後慢慢沿海邊長廊一路睇風景,一路行返市中心。雖然只係下晝4點幾,但已經慢慢日落,因為冬天嘅冰島係晝短夜長。

 

路上小編依然覺得條腰好痛,加上要孭住十幾磅嘅器材,膊頭都開始痛。女朋友見小編唔多出聲,都主動問係唔係唔舒服,不過做男人當然唔會講自己攰啦。

 

晚上參加local tour睇極光,導遊話今晚未必一定睇到。我哋set好晒相機,由夜晚10點開始等,等咗1個鐘、兩個鐘個天都只係黑色一片,而且凌晨過後天氣愈來愈凍,塊面都已經凍僵。依個時候女朋友講:「不如算啦唔好影…」小編又以為佢無耐性發小姐脾氣,點知唔係:「我知依幾日你條腰由落機開始已經痛,加上啲機同鏡頭咁重…」佢知以小編性格,一定要堅持影到極光為止,所以佢繼續講:「我知叫你走你實唔肯,其實我帶左止痛貼俾你,返到酒店我幫你貼啦!」
 

有人話睇極光好難,但小編覺得可以搵到一個了解你嘅另一半更加難。不過,小編搵到啦!佢可以單憑一個動作,一個表情,就知我諗咩,雖然冰島只有-9度,天氣好凍,但依一刻小編非常Warm !

 

雖然個晚睇唔到極光,但女朋友幫我貼左止痛貼,貼咗背脊暖笠笠,第2日起身真係鬆咗好多!

結果,我哋第2 晚終於睇到極光,真係非常靚,好似流水一樣,綠、紫、紅好多色彩變化。依一刻望住隔離嘅佢開心咁笑,小編係心入面同自己講,希望一年後、十年後、廿年後,都可以一直拖住依個女仔,望住佢開心咁笑。

之後第5日去咗藍湖溫泉,因為貪靚嘅女朋友話要試試天然白矽泥敷面, 天氣咁凍著泳裝真係第一次。現埸其實有浴泡可供租用,天氣咁凍依啲錢真係唔慳得,除非你好似飛人保特咁飛奔返去暖氣室啦!

 

第6日參加Golden circle tour,其實好多雷克雅維克當地旅行社都有搞類似tour,行程主要睇Geysir Strokkur 間歇泉和 Gullfoss 瀑布。其中間歇泉真係香港無咩可能睇到,泉水每隔6至8分鐘爆發一次,最高有成40米高!成個行程大約6個鐘,睇完都真係幾攰,睇埋日落都差唔多回程返酒店執行李,準備翌日返香港。太陽光照射一片白色嘅雪景,靚到我不停影相再影相。

回程途中我拖住女朋友,問:「不如我哋再返嚟冰島睇極光?」女朋友笑笑點頭,希望我哋依個極光之約可以實行!

 

最後有朋友問究竟點影極光,小編都有小小貼士。先揀「手動模式 (M-mode)」,設定最大光圈,F/2.8或F/4。將ISO較低(例如ISO320、640),再配合快門20秒,就可以影到流水效果極光。如果想影到躍動效果,就要推高ISO至1600或3200,之後較快快門至4秒或8秒。不過條條大路通羅馬,影相方法都唔會得一個,大家參考參考啦!

 

天寒地凍血液循環減慢,加上每個景點都比較長途,坐車坐到腰骨痛,呢個時候記得用虎標背痛貼就可以幫到你,其特有腰背部曲線設計,伸縮力強,能緊貼腰背部曲線,而且含有辣椒成份,有助血液循環,有效紓緩腰背痛。

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司