我的馬拉松體驗

February 3, 2017

一年一度嘅馬拉松就黎到,今屆大家有冇參加? 小編參加過五年,資歷雖然唔算好深,但都可以同大家分享小小我的馬拉松經驗。馬拉松主要分10公里、半馬 (21公里)及全馬(42公里),通常初級跑手都會選擇10公里項目,大約50 至90分鐘就完成,體能好嘅人有機會係40分鐘內完成,另外,大部份選手都會選擇以10公里來先訓練自己「配速」嘅能力,即控制自己每公里要用多少時間來完成,因為呢個係跑馬拉松必需掌握嘅技巧。當完全掌握技巧,選手就會開始參加半馬和全馬。半馬完成時間通常約120分至180分鐘,全馬則大約240分鐘至300分鐘。

 

參加原因

其實未開始跑馬拉松之前,我係一個190磅嘅肥仔,唔好講跑步,連行路都好少,假期都哩係屋企上網打機。成日都俾好多藉口自己逃避運動,話自己忙、放工放好夜、無時間做……

但我嘅生活態度由我第一次參加馬拉松之後就徹底改變。

 

我第一次參加馬拉松嘅原因完全係因為被舊公司利誘。我上一間公司係一間健康食品公司,標榜員工要有健康生活。所以公司就叫我地參加,而且只要係指定時間完成,仲可以免費換取兩日大假。嘩,咁好當然去馬啦。始終係人生第一次,所以我只係選擇左10公里,

比賽前其實我無咩特別嘅感覺,一心諗住hea跑完希望換到兩日大假。天未光就爬起床剩係覺得超辛苦。但當去到會場後,即刻俾現場熱鬧嘅氣氛感染,個人即刻醒晒,仲有少少期待。個會場見到有選手會著住D好特別嘅服飾係到跑,我見過有黑武士、熊本熊、超人、Iron Man、神奇女俠打扮等……感覺有D似嘉年華,又似七人欖球賽期間夜晚經過銅鑼灣、灣仔一樣熱鬧。當大家起跑時,有種一大堆志同道合嘅人一齊衝向目標進發嘅衝勁,成個人即刻充滿正能量,場面好壯觀。就係因為呢D感覺,令我之後每年都有繼續參加!

 

10公里

頭兩年我都係參加10公里,當中以第一年最辛苦,因為嗰年其實都無咩準備過,跑到一半都已經唔多夠氣,仲要有輕微抽筋,後半程路係行多過跑嚟完成,仲要拎唔到個2日Annual Leave 獎勵,真係水皮,……..單野俾同事笑左成年。因為呢件事之後,我就開始每兩日都跑步1.5小時,當第二次參加時,我就已經好好多,可以係我心目中指定嘅時間(40分鐘內)完成,仲感覺唔算太辛苦,今次終於順利攞到2日Annual Leave獎勵,否則又要等下一年。

 

半馬拉松

第三次和第四次我參加半馬,距離係21公里。由10公里變成21公里,除左要有速度外,個人覺得最大嘅唔同就係要有埋耐力。第三次跑時,因為係第一次跑咁長,所以係平衡耐力同埋速度嘅經驗都唔足夠,有時會跑得太快,令到自己無咩氣,要休息一陣先可以再繼續。有左呢次經驗後就知道點樣平衡,第四次亦輕鬆好多。另外,個人訓練速度耐力嘅平衡,主要係透過行山,因為行山唔可以太急太快,同埋要求高耐力,因為通常一行就行4-5個鐘。

 

全馬拉松

第五次我參加全馬,亦即係上年嘅事。除左速度耐力嘅平衡訓練外,肌肉嘅訓練都好重要,因為要跑晒全程42公里,D肌肉一定會好疲勞,同埋好易抽筋,所以訓練肌肉好重要。要訓練肌肉,可以做多D以下運動:

  1. 多級跳、單腳跳、跨步跳等跳躍練習

  2. 利用槓鈴做全蹲、半蹲、弓箭步跳等的負重練習

當然避免疲勞與損傷,一定要由小強度開始,再慢慢增加強度啦。

 

 

自從參加左馬拉松後,我由從前唔做運動到而家每日都跑步,逢星期六或日都會去郊外行山,更漸漸愛上戶外運動,並且由一個190磅嘅肥仔變成而家140磅嘅肌肉男,仲成功追埋而家個靚老婆,Lee D 都係馬拉松帶俾我既改變。

如果你從未參加過,大家不妨試下參加一次,可能都會跟小編一樣重拾運動既樂趣。

 

----------------------------------------------------------------------

溫馨提示:

跑馬拉松,好多時會容易扭傷、拉傷或者肌肉疲勞,呢個時候虎標鎮痛藥布(清涼)就可以幫到你,其清涼觸感加上獨有的草本成份有助快速消腫及鎮痛,,

藥布採用水溶性配方,快速滲透,有效紓緩急性扭傷及肌肉疲勞。

產品詳情: http://www.tigerbalmhk.com/tigerbalmplaster

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司