Annual Dinner的驚喜

January 5, 2017

踏入2017年,唔知大家去左公司嘅Annual Dinner 未? 每到呢個時候,小編總會聽到好多關於Annual Dinner 嘅野,總係有人歡喜有人愁。

 

Annual Dinner 嘅地方

每年大家最期待嘅就係會去邊到annual dinner。小編覺得從公司選擇嘅地方,就某程度可以睇得出間公司係咪富創意同埋有心思。話說小編嘅朋友係香港某一間美資嘅PR 公司返工,佢地今年去左一個平常較少去嘅地方: 香港遊艇會。但佢地坐既唔係遊艇去,而係橡皮快艇。佢地係出發前一日,老闆已經提醍大家最好著褲,而且要著多少少衫,攪到大家都好好奇會去邊到。

 

對我朋友黎講,坐橡皮艇參加飯局已經超驚喜,之後去到遊艇會D野食好食與否已經唔再重要。通常annual dinner地方離不開酒店、中菜酒樓等等,對比之下,遊艇會就顯得非常不平凡。

 

不過呢個旅程,都有少少地方你未必鐘意,就係坐橡皮艇去遊艇會途中好大風,吹到頭髮亂晒。如果你會暈船浪就仲大問題。所以你鐘唔鐘意就睇你係咪玩得之人。

 

 

核心節目一 : 天才表演

Annual Dinner 最好就緊係坐定定齋睇齋食,咩都唔駛做。但係唔知點解有D公司好鐘意攪D同事,嫌佢地平時唔夠忙,仲要玩天才表演!

而小編我嘅PR朋友當然不能倖免啦!佢地成Team 人其實大家都唔太願意參加,但係個Team Head 就要求大家參加,Team Head 出聲,作為下屬又點可以拒絕…….除非大家已經有另謀高就嘅打算。最終我朋友被分配表演轉碟,同埋用一隻Plastic 玩具雞表演魔術,隻玩具雞內裡有雞蛋,佢負責變隻雞蛋出黎……..佢係幾咁無奈。

 

佢地一Team人又唔係魔術師,能力有限,台下嘅人當然無咩興趣睇。真係台上嘅人又無癮,台下嘅人都悶,超浪費時間。

另一核心節目 – 當然係大抽獎

另一個係Annual Dinner 最期待嘅,應該係抽獎環節。一般公司係呢個環節都唔會太 cheap,有現金、商場/超市現金券、電器等等,但只係唔知點解年年無自己份。而總係會有D奇奇怪怪嘅公司送D好特別嘅禮物,當事人收到,都唔知應該開心定唔開心。以下係小編係職場打滾10年聽過嘅 “驚”典禮物:

 

1) 杯麵一箱24個

曾經有一個朋友抽中呢份禮份,雖然杯麵係佢喜愛嘅食物,但佢一星期起碼已經有三餐早餐食緊,再咁食法,應該D食用蠟可以令佢個人防腐。

2)超大型公仔一隻

如果你仲係18/22,見到呢份禮物可能會好開心。但係當大家都“屈”係一個蝸居既時候,收到呢份禮物真係唔知可以比咩反應。

3) 相架

呢份禮物應該係最無聊禮物頭幾位。自從踏入數碼年代後,我地又有幾可會曬相?

4) 洗頭水、沐浴露500 ml 12支

呢份禮物係幾實用,但係你走嘅時候要拿住12支500ml 嘅洗頭水/沐浴露,嗰喥有成6KG…..我諗你會想殺死提議這份禮物嗰位人兄。

5) 紅酒一箱6支

小編我都係鐘意飲紅酒嘅人,所以如果有朋友送俾我,我都會超開心。但有次我某位朋友就收到一箱6支紅酒,又超重,仲好明顯係客戶D 平價Sponsor,超無奈。所以佢決定自己拎一支,其他係現場送晒俾同事。

 

Annual Dinner 衣著

另一個大家最煩惱嘅就係衣著問題,每年去到呢個時候,同事之間都會係到高談闊論呢個話題。我地發覺有D公司嘅女同事嗰日會著到好似去Ball 咁,低胸露背全部出齊,超級誇張!

 

另外有D公司會出個主題,攪埋扮野比賽,逼晒成Team人參加,要求大家跟住個主題扮鬼扮馬。小編覺得既浪費時間又浪費金錢。我最想著返Tee+牛仔褲…….咁樣最舒服。

 

雖然每到年尾我地成日都聽到D好奇特嘅Annual Dinner 事件,但都總算為我地帶黎無比嘅歡樂,令我地開開心心咁完結一年。希望大家係新嘅一年可以開開心心咁返工啦……..雖然成日都有人話要返工又點會開心,哈!

 

溫馨提示:

如果你間公司除左要你玩天才表演扮鬼扮馬又要幫手搬搬抬抬佈置場地,仲有大堆公司野要處理,唔腰酸背痛都幾難。小編幫唔到你按摩,又幫唔到你揾過另一份工,但可以介紹虎標背痛舒解藥貼俾你,它蘊含虎標獨特的鎮痛配方,而且特有腰背部曲線設計,伸縮力強,緊貼腰背部曲線,有效紓緩腰背痛。

虎標背痛舒解藥貼詳細介紹按此

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司