出走日本15天第四篇

December 21, 2016

上一篇講到,我地遊覽完河口湖返到東京地區。想睇返我地之前嘅行程,可以按以下網址:

出走日本15天第一篇

出走日本15天第二篇

出走日本15天第三篇

行程最後五天嘅遊覽地點:

南青山+聖誕燈飾(第10日)

我地嗰日係河口湖留到大約下午三時,就出發返去東京。返到東京第一站就去南青山。如果你鐘意Shopping,南青山係必去嘅地方。Comme des Garçons 同埋 Porter Tokyo 呢D品牌嘅旗艦店都可以係呢到揾到,款式比出面多,有時仲有D指定特別款。

由河口湖去南青山交通:

去完南青山後,我地就出發去睇聖誕燈飾。第一站係丸の内仲通り,由南青山去丸の内仲通り,只需要半個鐘。

南青山去丸の内仲通り交通:

去到嗰度,街道兩旁D樹都佈滿聖誕燈飾,絕對係影相嘅好地方。

係呢到大約留一個鐘,我地就出發睇另一個燈飾<藍色精靈的森林>,地點位於東京都港区東新橋1-8-2,由丸の内仲通り過去需時約15分鐘

丸の内仲通り去東京都港区東新橋1-8-2交通:

呢個燈飾超大型超靚,都幾多情侶係到影相,攪到我地格格不入咁,哈。

睇完燈飾,就正式結束第10日嘅行程。

 

 

築地市場+明治神宮+貓頭鷹café (第11日)

第11日係最後一日留係東京,梗係唔可以錯過築地市場。

去築地市場,只需要搭地鐵大江戶線係築地市場站下車即可。

新大久保去築地市場交通:

呢個市場出晒名唔使我多介紹,不如直接睇下我地食左D咩:

超大粒嘅帶子! 超正!

四色海膽飯,呢個係真心推介,海膽份量超級多,仲要有四種唔同口味,係香港未必食到。

之後我地由築地市場去左明治神宮。我地去明治神宮主要係尋找以下呢條出晒名嘅銀杏大道。

但係奈何我地時間有限,最終揾唔到銀杏大道。只係係明治神宮入口見到D銀杏樹,銀杏大道就留待大家發掘。

遊覽明治神宮大約用左一個鐘,我地就出發去一間貓頭鷹 café アウルの森 (http://2960.tokyo/),佢位於秋葉原附近。由明治神宮出發去呢間Café 大約要45分鐘。

明治神宮去貓頭鷹café交通:

Café 入場費每位890日元,有自助汽水機任斟,場內超過30隻貓頭鷹同你近距離接觸,係一個幾特別嘅地方。

 

之後,我地就返酒店出發去大阪。我地係由JR新大久保站出發去JR新大阪站。呢程車只會坐兩條線<JR山手線>同埋<東海道山陽新幹線>,再次提提大家<東海道山陽新幹線>嘅飛係已經包埋JR山手線,唔使再買飛,係品川出閘時記住攞返張飛,係搭<東海道山陽新幹線>入閘時入返同一張飛。

 

環球影城(第12日)

嚟到大阪,環球影城係必去地方,而且一定會玩足一日。

新大阪去環球影城交通:

入面有咩玩,大家睇佢官方網站應該非常清楚(https://www.usj.co.jp/hk/),其中必玩一定係Harry Potter主題區。

要提一提大家一定要買Fast Pass,否則玩Harry Potter呢個遊戲起碼要等兩個鐘以上。我地去嗰日係平日,所以係入口都仲買到Fast Pass。但之前有一個朋友係星期六去,Fast Pass 賣晒。所以建議大家最好係旅行社買定晒門票同埋Fast Pass 好D。

 

係環球影城,另一個必睇嘅就係佢個花車巡遊,氣氛超好,大家勁投入。

夜晚仲有聖誕燈飾和歌舞劇表演,有美妙嘅歌聲加埋表演者精彩嘅舞蹈,又有超靚嘅燈飾,勁有聖誕氣氛。

箕面公園+心齋橋神戶牛火鍋任食 (第13日)

之前12日嘅行程我地都暴飲暴食,所以我地呢日決定去箕面公園行下山 。

 

由新大阪出發去箕面公園,首先要去阪急箕面線箕面站,車程大約45分鐘。

新大阪去箕面公園交通:

 

由箕面站一路出發唔使10分鐘就行到去箕面公園嘅入口。成個行程的終點站係箕面公園入面嘅箕面瀑布,行程大約一個鐘 (即係來回要兩個鐘)。雖然全部都係斜路,但難度唔算高,沿途仲有樹蔭。

由入口到瀑布期間,除左欣賞下佢D紅葉風景外。有一種小食係呢到嘅特產,佢係紅葉天婦羅 ,每包300日元。雖然食落同一般天婦羅嘅味道差唔多,但味道唔錯。

 

 

 

 

 

 

 

 

 

 

行左一個鐘到,我地去到箕面瀑布。原來好多日本人會帶埋便當黎野餐。

去到箕面瀑布,我地仲好好彩影到彩虹。

去完箕面公園,我地就行返去箕面站,出發去心齋橋。呢日去心齋橋最主要係要食神戶牛火鍋任食! 行完山當然係繼續暴飲暴食啦,哈哈!

箕面站去心齋橋交通:

係呢間但馬屋每位大約HKD $380就可以90分鐘任食神戶牛,我地俾佢吸引主要都係因為旅遊書介紹,而價錢又可以接受。但講真,D牛一般,如果同香港牛涮鍋嘅黑毛和牛放題比較,我鐘意黑毛和牛多D。所以我地係有D失望。

食完神戶牛火鍋,我地行咗陣心齋橋就返酒店休息,因為我地明天會再黎血拼。

 

黑門市場+血拼心齋橋 (第14日)

呢日我地去心齋橋前,先去左黑門市場,一個食海鮮魚生嘅地方。

去黑門市場,只要係堺筋線日本橋站步行2分就到。

新大阪去黑門市場嘅路線下:

 

呢度雖然無築地市場咁大,但係佢D野食都超吸引。我地食左以下兩樣野:

 

雞泡魚(河豚)刺身,如果大家有留意開D關西旅遊節目,基本上一定會介紹呢到D雞泡魚(河豚)刺身。

超大隻生蠔,呢隻生蠔真係我食過最好食的,仲要超大隻,超新鮮,只係賣900日元。唔食對唔住自己!

其實仲有好多其他海鮮,不能盡錄,總之大家一定有收獲。

 

去完黑門市場,我地就出發去心齋橋,準備血拼。由黑門市場去心齋橋其實好近,唔需要搭車。大家用Google Map 揾去難波站嘅步行方向即可,因為成條心齋橋係橫跨心齋橋站同埋難波站。

由於心齋橋實在太多野,以下總結一D我地食過或買左嘅野啦。

有卡樂B心齋橋限定店,仲有香港無得食嘅大阪燒味薯片。

呢間手信舖真係要去下,因為佢有得賣彩虹百力支!

仲有上面呢D超大支嘅蛋捲,我地都買左佢地返黎! 味道唔錯。

 

仲有呢個雪糕蜜瓜包,知道佢地岩岩登陸左香港,但我地都係心齋橋試食左先,哈。

 

如果你鐘意 shopping、食野、買手信,可以預一日時間係心齋橋到行。

 

另外,係大部份藥品或手信舖頭,只要你買野超過5000日元,就可以退稅。但提提大家,店員除左會釘張退稅表和收據係你嘅護照外,亦會用一個密封嘅袋幫你入晒D貨同埋張單嘅副本,係日本離境前,呢個袋唔可以拆,否則過關個時有機會要你打返稅。(所有貨品詳細嘅退稅資料可看:  http://tax-freeshop.jnto.go.jp/eng/shopping-guide.php)

關西機場離開 (第十五日)

呢日我地只係係大阪附近D商場行下,然後就好快出機場,為我地嘅出走日本15天旅程劃上句號。

 

由大阪去機場,你可以搭<大阪環狀線關空快速>到機場。

大阪去關西機場交通:

但要提一提大家,呢架車總共有八個車廂,其中四個車廂係去機場,另外四個車廂係去和歌山。佢地去到日根野站兩邊車廂會分離,所以大家記住留意指示,唔好入錯車廂,否則你就會去左和歌山。

 <以上所有資料只供參考>

------------------------------------------------------------------

溫馨提示:

旅行雖然開心,但要玩得盡興,你就會行無數嘅路,仲要成日孭住個背囊、腳架、相機,返到酒店會覺得隻腳痛到唔係自己,仲會周身痛。虎標萬金油(紅色) 係呢個時候就可以發揮佢嘅作用。佢蘊含肉桂油,帶來溫熱感,有效紓緩肌肉疼痛和勞損扭傷。

 

 

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司