出走日本15天 – 第二篇

December 7, 2016

上回講到我地為左叉叉電,決定出走日本15天,為大家介紹過白川鄉同埋兼六園。想重温頭兩天行程, 可睇返前文:

 

按此睇返出走日本15天第一篇

 

今次主要介紹行程第三日至第五日值得推介嘅景點同一D注意事項如交通安排及時間等。行程大約係咁: 富山 > 立山黑部 + 黑部峽谷 > 名古屋 > 白鳥庭園

 

立山黑部

立山黑部出名在於佢嘅紅葉和雪山,如果係4月至6月去,仲有機會睇到被稱為 “雪的大谷” 的巨大雪壁。出發當日我地撘電鐵由電鐵富山站到電鐵立山站,然後係立山站再買飛上立山黑部。

整個立山黑部主要分為八個景點, 去每一個景點都要搭指定嘅交通工具 (如上圖示), 而我地就買來回飛包晒由美女平至黑部湖來回嘅交通工具。

 

個人認為以下三個地方比較值得停留多D時間: 室堂、黑部平、黑部湖。

 

A) 室堂:

由美女平搭巴士到達,途經彌陀原及天狗平等地,可以係車上觀看呢兩個地方嘅雪景。

當抵達室堂後,記住要上去車站最頂層,因為呢個地方係成個行程最精彩嘅地方。呢到有一個超大嘅雪地,係拍攝嘅好地方。建議停留時間約2小時。

B) 黑部平:

呢個地方係行程第二個亮點,雖然無室堂咁大,但呢到可以影到雪山初步形成的景色,而且由大觀峰到黑部平,可以坐觀光吊車,從高處遠眺望成個黑部平嘅景色。建議停留時間約1小時。

 

C) 黑部湖

係呢到可以係水壩上面步行欣賞黑部湖景色。如果6至10月嚟,可以睇水壩放水嘅壯觀場景,仲有機會影到彩紅。建議停留時間約1小時。

去立山黑部我地覺得有以下地方需要注意:

  1. 整個立山黑部嘅行程差唔多要用一日,建議搭最早嗰幾班車去,玩嘅時間可以鬆動D。

  2. 要留意立山黑部嘅封山時間,同埋旺季去可以係官網買定車飛同埋預約時間,由於我地去嘅時候(11月22日) 屬於淡季,所以網上系統無得預約,有足夠車位提供。

  3. 買飛時,你可以選擇買來回飛由美女平至黑部湖來回或單程飛由美女平出發至黑部湖再係扇澤離開。買邊條路線同你去完立山黑部之後嘅行程有好大關係。以我地為例,我地之後嗰日要去黑部峽谷,所以去完立山黑部後就返去富山留宿,所以選擇左買來回票。

黑部峽谷

去完立山黑部,我地當晚就返去富山過夜,第二朝再搭電鐵由富山到達宇奈月温泉站。之後再步行到黑部峽谷鐵道 - 宇奈月駅買火車飛遊覽成個黑部峽谷,你可以選擇有玻璃或無玻璃窗嘅車廂,注意無玻璃窗嘅車廂真係會凍好多! 因為我地選擇左無玻璃窗車廂。

黑部峽谷鐵道分四個站: 宇奈月温泉 --> 黑薙 --> 鐘釣 --> 欅平。係宇奈月温泉站買飛時就要決定邊個站停留或上車了。而我地因為唔係好夠時間,所以我地無係中途落車,直去欅平,係欅平停留約半小時,就係欅平回程。

 

同大家分享一下係遊覽呢條鐵道時嘅景色啦,途中你可以睇到唔少紅葉變黃嘅景色,雖然睇唔到全紅,但呢個風景已經超靚。始終要撞正紅葉最旺盛嗰期,唔係易事。

 

途中,仲可以睇到雪山景,雪山+河川景又係另一種美。

 

另一個驚喜嘅地方,就係當接近欅平時,遇到落雪,一路搭住火車一路落雪,超浪漫嘅感覺…….但我係同幾個男同事黎,D野錯晒…..

 

去到欅平,其實唔算多野睇,但有雪景已經好滿足。

白鳥庭園

去完黑部峽谷後,我地就由富山返去名古屋留宿,係呢段路程,可以再次出動高山北陸 pass,因為佢係包由富山來回名古屋呢程車,由富山去名古屋有一架叫 <JR高山本線飛彈特急名古屋> 嘅火車係唔駛轉車直去名古屋,但記得CHECK定時刻表,因為班次好疏。

去白鳥庭園可以搭JR東海道本線到熱田站,之後再步行約15分鐘過去,用Google Map 就可以好易去到。

係呢個地方,你可以去到見到超多白鳥展翅飛翔,好壯觀。而且係呢個庭園可以見到好靚嘅

紅葉。當白鳥配合埋紅葉,形成好靚嘅構圖。

玩完名古屋一帶後,我地向京都、奈良出發,再由奈良返去東京玩,係我地第六至十天嘅行程,第三篇內容會有夜觀清水寺,探訪奈良鹿、河口湖超靚私人風呂欣賞富士山等等! 密切留意!

 

<以上所有資料只供參考>

------------------------------------------------------------------

溫馨提示:

旅行雖然開心,但要玩得盡興,你就會行無數嘅路,仲要成日孭住個背囊、腳架、相機,返到酒店會覺得隻腳痛到唔係自己,仲會周身痛。虎標萬金油(紅色) 係呢個時候就可以發揮佢嘅作用。佢蘊含肉桂油,帶來溫熱感,有效紓緩肌肉疼痛和勞損扭傷。

 

 

 

 

 

 

 

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司