地獄聖誕月

November 17, 2016

 

大家近期行過D商場,係咪開始聽到D聖誕歌,開始feel到聖誕黎緊。以咁多個節日黎講,我最期待嘅就係聖誕,但如果你係零售行業嘅Marketing同事,我諗你會認為呢個係地獄嘅開始。

 

如果你有睇開我地個Blog,應該會留意到我們其中一篇文章 “返工返到好似去地獄咁,你遇過未?”,呢位朋友今期又有新update,進入地獄嘅最深層數。如果你想重温上一篇文章,可看:

http://www.tigerbalmhk.com/single-post/2016/08/23/返工返到好似去地獄咁,你遇過未

 

臨近聖誕,我朋友被指派了以下的工作:

 

  1. 第一,全線25間舖嘅店舖裝飾要自己攪掂。當你以為大公司會有production house幫你跟時,少年,你太年輕了。事實上,由買料到佈置,要Marketing 嘅兩位同事跟哂。首先我朋友要和另一個同事到深水埗福榮街入貨,入完貨後,唔好以為可以Claim 錢坐的士,我朋友只獲准坐地鐵。需知道兩個人拎住十幾袋野,旁人以為你走水貨。拎左D裝飾返到公司,就要安排送去舖頭,等前線同事裝飾。當然佢地仲要走哂咁多間舖,睇哂D裝飾係咪佈置得滿意,腳骨力少D都唔掂。

     

     

     

  2. 聖誕期間,要裝飾舖頭嘅所有傢俬要自己去宜X買,仲要自己同舖頭嘅同事諗法子搬返黎,因為公司唔夠budget,你唔好妄想可以叫宜X逐間幫手送貨,因為宜X運費太貴。佢地通常買茶几、膠箱、坐地燈等,都算細件野,舖頭D同事都樂意幫手。當然買完之後,佢地都要同舖面同事一齊砌埋件傢俬出來。我諗我以後屋企有傢俬要砌可以揾呢個朋友幫手。

     

     

     

  3. 聖誕裝飾梗係唔少得聖誕樹同放係下面D禮物…..咁D禮物係邊到嚟?未就係由兩位Marketing同事去唔同部門收集無數嘅紙巾盒同埋A4紙箱,再用花紙包出來,佢地絕對可以去超市百貨公司兼職包禮物。

     

     

     

  4. 佢地公司每年都會攪聖誕Party,當我以為公司會係市面買D禮物返來抽獎時,原來我先發現我太天真了。作為Marketing嘅同事,佢係要Call D 供應商,然後好厚面皮咁同佢地攞Sponsor。

     

     

  5. 佢地仲要預備D hamper 俾D合作伙伴,最慘仲要得果少少budget又要D hamper得體,唔止要同hamper 公司返來覆去咁周旋,有時仲要散件買完再自己包過,咩都擺低晒唔駛做,舖頭每日D Sales Report….唯有放工先得閒 print同寫commentary…. 灰爆。

     

     

  6. 去到聖誕,公司仲要派coupon 俾D客,你唔好以為D coupon係揾出面D printing 公司印,其實係由佢地公司偉大嘅打印機印出來,之後仲要逐張coupon 吸公司印……..佢話我知嗰度有成千幾張coupon。

     

     

  7. 因為聖誕係佢地公司搶生意重要日子,所以基本上佢地半年前就要開始揾哂全港所有商場,同佢地book場做roadshow。但好多時商場大部份都自己hold晒做聖誕裝飾或event,揾到有期嘅,老闆又嫌人流唔夠,唔俾book。總之煩到嘔。

     

     

  8. 除左公司有好多admin 野做之外,仲要落舖頭幫手,因為聖誕期間,間間舖都要開夜D,而 part-time 人手又難請,所以成日都唔夠人,好多時都要落舖或roadshow 場幫手,仲分分鐘係要放左工後先落舖。

     

嘩…聽完佢講,我真係覺得自己身在福中不知福。咁你又係天堂定地獄呢?

---------------------------------------------------------------------

後記:

係香港作為打工仔,工作時間長,壓力又大,十個有九個都做到頭痛,相信呢個唔只係做Marketing嘅問題。當你下次做到頭痛唔舒服時,不妨用下我地嘅​虎標萬金油(白色)或虎標萬金油軟膏,有效紓緩頭痛,而萬金油軟膏仲含有薰衣草清香,可有助紓緩壓力。

 

 

 

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司