天水圍綠田園一日遊

November 3, 2016

前排又打風又落雨,幾難得終於見到大陽伯伯出來,當然要立即睇下有咩野好去處。今次介紹呢個地方係天水圍綠田園,係香港少有齊集多項活動嘅農莊,啱哂大人小朋友。下面有活動項目及田園地圖給大家參考:

田園開放時間:

設施開放時間: 星期一至日 10:00 a.m – 6:00 p.m

BBQ 開放時間: 10:00am -10:00pm

入場收費: $0

前往方法:

  1. 坐MTR 到天水圍站,再轉乘的士,約$20即可到達

  2. 自駕人士則可向 <天水圍北及流浮山> 方向直去,當到分叉路口,再向 <流浮山> 方向直去, 於 <天華路> 入。另外,嗰度提供免費泊車。

 

去呢個地方,大家要留意一下邊D係免費活動,邊D係要自費。以下這些地方可免費參觀及任玩: 動物農莊 / 自耕農莊 / 中藥場 / 靈龜池 / 錦鯉池 / 十二生肖石像 / 觀音像 / 荷花池 / 養蜂場 / 靈芝菇菌種植場/ 高橋場 / 石春按摩徑 / 風箏場。

 

自費活動則有: 水上大滾筒 / 踏溜車 / 跳彈床 / 兒童車 / 沙樽 / 膠畫 / 卡通車 / 水上單車 / 麻雀 / 撈金魚 / 手動艇。價目詳情大家可參考它們專頁: http://www.yl.hk/green/price.htm

 

以上咁多個免費活動,囡囡最鐘意就係動物農莊。係動物農莊,當囡囡離遠見到D羊,超興奮,同爸爸講要摸摸D羊。但當行近D羊時,囡囡又有D 細膽,要爸爸係旁邊先敢行近,哈哈。係呢個動物農莊,你仲可以同小朋友試餵羊食草,係幾好嘅親子活動。

 之後,我地就同囡囡玩水上單車,香港唔係有好多地方有呢個玩。

 囡囡近距離見到D錦鯉起興奮,重搶住餵佢地食野,哈哈。

 當玩完水上單車後,囡囡好似愛上左行船咁,見到手動艇又話想玩,似足爸爸細個。佢控制架船嗰陣,一臉認真,好似好有功架咁,哈哈。

 之後爸爸同囡囡去左玩水上大滾筒,唔好睇少呢個遊戲,佢要嘅運動量超大,玩完係會成身散哂。

之後,囡囡見到卡通車場D動物車好開心! 但因為囡囡仲細,未適合玩呢個遊戲住。個人認為5歲以上嘅小朋友較適合呢個遊戲。

 另一個囡囡至愛,相信無邊個小朋友唔鐘意嘅遊戲就係充氣跳彈床。

呢個地方真係超多遊戲,我地都玩唔哂,所以一定夠你玩足一日。如果你夠多人,夜少少重可以留埋係到BBQ,收費尚算合理。

 -------------------------------------------------------------------------

溫馨提示:

雖然呢個地方好多活動,但緊記唔多地方有遮蔭。所以遇上猛烈太陽或天氣悶熱,好多時會出現頭痛不適,嗰時當然要補充水份,避免中暑!

而且蚊叮蟲咬都好平常,當然要帶備驅蚊用品。

另外,亦可以帶備我地嘅虎標萬金油(白色) 或 虎標萬金油軟膏,不但可以紓緩頭痛不適,對蚊叮蟲咬引致痕癢等不適亦有幫助。天然草本成份,大人和小朋友都啱用。

 

 

 

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司