市區行山樂(灣仔峽)

October 20, 2016

假日一家大細去行山郊遊,未必一定要去好遠嘅地方,有一個鄰近市區嘅地方可以建議俾大家,難度唔高又適合小朋友。今次要介紹嘅地方係灣仔峽至香港仔水塘,全程約6公里,來回只需約2小時。行這段路,唔會覺得悶,因為成段路程有唔少亮點,大人和小朋友都啱。

 

小編剛剛和囡囡老婆去完,可以為大家介紹一下呢個地方。

 

行這段路有三個選擇:

1) 乘坐新巴15號巴士(交易廣場往山頂方向) ,至灣仔峽道站下車。

2) 灣仔合和中心17樓出,就是堅尼地道,左轉行5分鐘,經過竹林苑到灣仔峽道入口開始行。

3) 自行揸車,係警隊博物館附近有20幾個車位。

 

我地選擇咗坐巴士係灣仔峽道站下車。一落車我地就見到第一個亮點 “灣仔峽道遊樂場及甘道兒童遊樂場”。這兩個遊樂場好接近,所以好多人都以為係一個遊樂場。而設施方面保養得好好,種類亦算多,有攀爬、滑梯、韆鞦等等。囡囡見到當然開心到飛起,一支箭咁衝咗去玩。

 

另外係遊樂場亦設有小食亭,有燒賣、魚蛋、公仔麵等供應,行山前大家可以係到稍作充饑。仲有D小玩意賣,我就買左一個竹蜻蜓(膠蜻蜓)俾囡囡玩,價值$3,價錢超值。

之後經過甘道兒童遊樂場,你就會黎到第二個亮點“警隊博物館”

大家要留意下警隊博物館嘅開放時間:

星期三至星期日: 上午九時至下午五時

星期二: 下午二時至下午五時

休館日:逢星期一、星期二上午、公眾假期及農曆新年初一至初三

 

博物館前身係叫「灣仔峽警署」,建於1939年,係一間好典型嘅英式殖民警署建築,白色牆身藍色窗。昔日英國人好識去監控本地市民,基本上殖民地時期建立的警署,都一定係山上面,一來方便監視,二來易守難攻。好似以前屏山警署、沙田警署、大埔警署都係一樣位置。

 

博物館共分四個展覽廳:歷史展覽廳、三合會及毒品展覽廳、警隊今昔展覽廳以及專題展覽廳(本期題目:警署歷史),博物館展品數目約600餘件。只係睇D展品都有排睇。

 

遊覽呢個地方,囡囡最好奇就係D大炮,係警隊博物館指示牌旁邊有一台,行斜路到正門再有另一台,個人覺得都幾壯觀。當你一入正門, 就有一位配有警察證嘅便衣警察去歡迎你,當時我有D驚訝,無諗過會有警察係到駐守。提一提大家,係館裡面係唔可以影相。

入到去館裡面,囡囡最好奇嘅就係D警察模型公仔,係咁指住D公仔,以為係真人,仲對住佢地扮笑臉,好鬼馬又攪笑。

圖片來源: 警隊博物館專頁 

 

遊覽完警隊博物館,大家可以行返去灣仔峽道遊樂場個度,隔離係香港仔郊野公園入口,沿行山徑行45分鐘,就會去到第三個亮點“香港仔水塘”。 沿途都算多樹蔭,所以即使有太陽都唔會太辛苦,而且仲有好多小昆蟲,如蝴蝶、蜻蜓。囡囡見到蝴蝶就最開心,沿途一見蝴蝶就追住佢係咁跑。拿~~~呢D先係真正嘅捉精靈,哈哈。

途中我地重見一隻好特別嘅蝴蝶,通常我地見D蝴蝶都係色彩艷麗,但佢就剛相反,全身深色,佢令我諗起深藍色鬱金香。

到達香港仔水塘,你會發覺唔少人係到釣魚。如果你都有興趣,記住預先去水務署申請釣魚牌照。詳情請查看水務署: www.wsd.gov.hk。係呢到,除左釣魚樂之外,另一個最多人做嘅活動就係影靚景,大家主要影三個景: 湖面天嘅倒影、壯觀嘅水壩同埋湖面條橋。

而我…….係異於常人,係不斷影我老婆同個囡。哈哈。

-------------------------------------------------------------------------

溫馨提示:

行山郊遊,好多時會遇到兩大問題:

  1. 遇上猛烈太陽或天氣悶熱,好多時會出現頭痛不適,嗰時當然要補充水份,避免中暑!

  2. 蚊叮蟲咬都好平常,當然要帶備驅蚊用品。

另外,亦可以帶備我地嘅虎標萬金油(白色) 或 虎標萬金油軟膏,不但可以紓緩頭痛不適,對蚊叮蟲咬引致痕癢等不適亦有幫助。天然草本成份,大人和小朋友都啱用。

 

 

 

 

 

Please reload

February 3, 2017

Please reload

Featured Posts

Follow us

  • Facebook - White Circle
  • YouTube - White Circle

版權所有© 2016 - 2017. 虎豹企業有限公司