• tigerbalm2016

大埔汀角泥灘生態 (龍尾灘)一日遊


呢幾日一早起身涼涼地,終於都感受到秋天嘅來臨,我地可以同囡囡去真 . 秋遊啦!

為咗令囡囡能夠認識香港稀有嘅自然生態,我地決定向大埔出發 - “勇闖”大埔汀角泥灘(龍尾灘)! 大埔汀角泥灘全長200米, 西邊係香港第四大的汀角紅樹林,被漁農自然護理署鑑定為具特殊科學價值地點,而對出亦是另一高生態價值區域馬屎州。據環保團體考證,海岸線內有逾200種海岸生物,瀕危及高保育價值者更有10多種,例如有被世界自然保護聯盟評定為近危級別的賴氏蜂巢勁虎魚、斑砂海星、星點圓鱗鰨、東方殼蛞蝓及相當罕有的管海馬等 。

龍尾灘其實係香港一個碩果僅存嘅海岸生態公園。但係好可惜, 政府打算將龍尾灘改建為人工沙灘, 呢個生態樂園可能好快會消失。所以要趁佢被消失之前到此一遊 !

要去龍尾灘,一定要留意佢嘅潮漲及潮退時間,因為嗰度大部份時間都係俾海水浸住。留意要係潮水0.8米以下,先可以安全漫步同埋睇到D泥灘生物。 基本上一個月只有幾日適合去,所以一定要預早計劃好。

建議去之前,大家留意一下以下嘅政府網址:

http://www.hko.gov.hk/tide/cTPKtide.htm

龍尾灘的位置雖然偏遠,但鄰近大尾督,所以交通極之方便,即使平日公共交通班次亦頗頻密。但如果你係自己揸車,就要小心假日D咪錶位好早就Full。

巴士資料:

起點: 大埔墟巴士總站

乘 75K 巴士在汀角站下車,沿小徑往海邊可到達。

需時:車程約40分鐘

大家要留意個入口有D難揾,去到不妨問下人,個入口係位於泥灘中間近咪錶停車埸嘅大馬路嘅一條路仔。我地都係第一次去,都係去到問人先揾到個入口。

去到泥灘,我當然係長篇大論咁同囡囡介紹下D海洋生物。。。。成個海洋專家咁,老婆見到我都笑左出來,話海洋生物D名咁難記都記到,我真係要多謝Google,哈哈。

同囡囡搵咗好耐,雖然見唔到瀕臨絕種生物,但係就俾我地發現到寄居蟹、彈塗魚、海螺等。剩係見到呢D海洋生物,囡囡就已經興奮都不得了,不停指手劃腳,仲笠住個玩泥沙桶, 扮寄居蟹係度打橫行,笑到我同老婆不停抹眼水!

另一個囡囡滿心期待去泥灘嘅項目就係- 玩鏟泥沙。阿囡一去到石灘就拿起私家的玩具鏟玩得勁開心,當然我地都教囡囡唔好傷到小生物同埋唔可以帶走佢地啦。(囡囡都算聽教聽話,10個叻^^)。

係阿囡玩緊泥沙嘅同時,好多小朋友都係泥灘另一邊捉蟹仔,但我就唔建議大家捉走佢地,因為咁樣會影響生態。另外,如果你想見多D蟹仔,不妨試下移走大石頭,因為好多蟹仔匿埋係D石後面,但當然移動石頭時就要小心,嗰日正正有個爸爸唔小心整到。

我地玩到差唔多3:30 pm,就開始潮漲,二話不說,D海水就已經湧上岸,都趕唔切抱起囡囡,浸到佢條褲仔都濕埋。囡囡居然冇喊,仲格格笑到勁開心。

一到5pm 左右,太陽開始落山,個境靚絕,梗係要趁機同我個女皇同公主留倩影啦!你睇囡囡同媽媽幾開心,哈哈。

提一提大家,去呢個地方都要睇住小朋友,嗰日正正見到一個小朋友唔小心滑到,手俾蠔殼割傷流血,所以係泥灘玩一定要小心。

另外,因泥灘內有太多唔同嘅生物爬行,一不留神。好容易被咬傷,所以記得穿合適既鞋保護。

-------------------------------------------------------------------------

溫馨提示:

去沙灘難免較大風,好容易吹到頭痛或者流鼻水,可以帶備我地嘅產品: 虎標萬金油(白色) 或 虎標萬金油軟膏,天然草本成份,對舒緩頭痛同流鼻水都有好大幫助,大人和小朋友都啱用。


Follow us

  • Facebook - White Circle
  • Instagram - White Circle
  • YouTube - White Circle

版權所有© 2019 虎豹企業有限公司