留在家中鍛煉的必學「加減法」
大時大節時食多咗就在所難免，放縱過後以為去多2次gym就唔怕。可惜肺炎爆發，出街都變得步步驚心啦，仲點敢去gym room?! 唔想係屋企養肥，只要掌握到減肥「加減法」，再配合適量運動 ，就算自我隔離，身型都唔會變成大啤梨。想知留係屋企可以點消脂瘦身，就要快啲記低以下要點！
(圖片來自 Freepik)
第一點：脂肪體積是肌肉的三倍
相信不少人身邊都有朋友身高體重差不多，但望落比自己瘦、買衫又買細一個碼？除咗安慰自己「骨架大」同「水腫」，其實好大原因喺關乎到脂肪同肌肉比例，因為同樣重量下，脂肪體積喺比肌肉大3倍架！所以體重並不代表一切，要知道自己體重嘅組成份亦十分重要。
第二點：不應看「體重」，控制「體脂率」才重要
很多人都會以體重去衡量肥或瘦，或近年會研究計算身體質量指數（BMI）。
BMI喺根據高度去衡量人是否擁有健康體重，然而呢個指標並沒有辦法計算身體嘅肌肉及脂肪比例，所以我地要測量體脂先最治本。簡易快速嘅測試方法就喺利用脂肪夾或者脂肪磅，價錢相宜又準確。以30-50歲成人為例，一般女性健康體脂率為大約20-24%，如果體脂率處於25-29%就有改善空間，而高於30%或以上，即為肥胖了！
第一招：減法 – 減卡路里，減游離糖
用「二減」方法，從飲食著手減「卡路里」同「游離糖」，隨著年齡增長，身體所需的熱量亦隨之減少。根據香港衞生署建議，成年女性每日應該攝取1500至2600卡，較早前有外國研究指出，只要限制每日減少攝取300卡路里熱量，長遠有助改善新陳代謝，自然有減肥效果。另一方面，游離糖泛指加入食物中的所有單糖和雙糖，以及蜂蜜、糖漿和果汁裡的天然糖分。吸收過多糖份會減慢新陳代謝而最終只會轉化成脂肪，令肌膚暗沉無光澤。以5克糖為一粒方糖為計，成年女士每日攝取糖分為少於18-20克（即3.5 – 4粒方糖）。
第二招：加法 – 負重運動鍛鍊肌肉
除咗減卡路里同糖，同時要做適度運動增加能量嘅消耗，燃燒同踢走脂肪。除咗做帶氧運動，鍛鍊肌肉都唔少得。肌肉量增加，脂肪減少了，身型自然變得更好喇！
其實喺屋企都有好多簡單運動可以做架，想快、狠、準不如做HIIT（高強度間歇訓練）！只要動作正確，就可以30分鐘內燃至600卡路里，達到「消脂不消肌」嘅理想效果*。 立即睇片跟教練做啦， keep到fit之餘，增進血液運行令個人望落都靚啲！
*效果因個人體質而異，及訓練期間必須保持相同飲食習慣，建議初學者尋求專業教練指導。
做運動時可以用虎標酸痛凝膠，先幫助肌肉放鬆，咁就唔怕拉傷，做運動時更得心應手！